Identificador
21069
Contenido URL
https://www.depourense.gal/gl/nova/grupo-popular-pp/mocion-presentada-para-o-pleno-de-decembro
Título
Moción presentada para o pleno de decembro
Descrición
<p>O grupo provincial popular presentamos no día de hoxe para a súa aprobación no pleno de decembro a seguinte moción na defensa dos paradores de turismo de verín e de santo estevo e do mantemento da súa actividade durante todo o ano.</p>
Texto
<p data-pm-slice="0 0 []">EXPOSICIÓN DE MOTIVOS:</p><p>Tralas informacións coñecidas en días pasados sobre o posible peche dos paradores de turismo de Verín e Santo Estevo, sitos na provincia de Ourense, a preocupación, tanto no que atinxe ao eido laboral como económico e turístico, é crecente, dado que estamos a falar de dúas infraestruturas turísticas singulares que manteñen a súa actividade ao longo de todo o ano, e que contribúen a fornecer a oferta turística dunha das provincias de España con maior riqueza patrimonial, histórica e etnográfica.</p><p>A grave crise económica que todos os sectores da economía están a padecer leva a empresas, administracións e a toda a sociedade en xeral, a adoitar medidas de axuste, redimensionamento e aforro do gasto, para procurar unha mellor eficacia e eficiencia na xestión.</p><p>Tento en conta esta máxima, é preciso salientar que o sector turístico é, para unha provincia como Ourense, un motor que dinamiza a nosa economía, porque permite explotar as potencialidades e singularidades que temos. De aí, que calquera medida que poida prexudicar o avance e promoción da actividade turística, fai que Ourense se resinta nun dos seus destacados eidos de competitividade, como é o do turismo.</p><p>O Grupo Popular na Deputación de Ourense quere amosar a súa fonda preocupación polo posible peche dos paradores de Verín e Santo Estevo, e polas consecuencias que esta medida pode traer, tanto no ámbito laboral como económico.</p><p>Polo cal, proponse que a comisión informativa de Educación, Cultura e Deportes ditamine favorablemente a adopción por parte do pleno do seguinte</p><p>ACORDO</p><p>1.Instar á sociedade “Paradores de Turismo” e ás administracións competentes a que fagan todos os esforzos posibles para acadar acordos que permitan o mantemento da actividade dos paradores de Verín e Santo Estevo, para que a provincia de Ourense poida seguir contando con estas infraestruturas turísticas que supoñen un polo de atracción de visitantes ao longo de todo o ano.</p><p>2.Instar a “Paradores de Turismo” a que poñan en marcha os cambios necesarios para mellorar a rendibilidade dos paradores de Verín e Santo Estevo, con fin de garantir a continuidade da súa actividade económica e turística ao longo de todo o ano.</p><p> </p>
Data
27/12/2012
Está publicado
Si
Data de creación
27/12/2012
Data de inicio de publicación
27/12/2012
Data de finalización de publicación
01/01/2077
Ten ámbito
https://schema.org/name
Deputación de Ourense
Lingua
es
gl
Ten un tema
https://schema.org/name
Administración Pública